Logo de Google
GernikakoBakearenMuseoaFundazioa
Mas

Gernikako Bakearen Museoa

exposiciones museo
Hasiera >> Erakusketak
Aldibaterako Erakusketa
Guatemala: guztiek jakin dezaten
2010/06/18 - 2010/10/12
  • ..
  • ..
  • ..

Aurkezpena

Guztiek jakin dezaten erakusketak Guatemalako Daniel Hernández-Salazar argazkilariak hogei urtez baino gehiagoz egindako lana gogoratzen du, beraren sorkuntza artistikoaren zati nagusiari eusten dioten hiru zutabeak bilduta: gertaeren eta historiaren dokumentazioa, dokumentazio horri buruzko gogoeta sakona eta, horien ondorioz, bere ekintza politikoa eta bizitzari ematen dion erantzun existentziala.

Erakusketak argazki-kazetari gisa gauzatu duen lanaren erakusgarri batzuk biltzen ditu, eta baita espazio publikoetan izan dituen instalazioak/ekintzak ere; horiekin batera, introspekzioa eta gogoeta uztartzen dituen Eros+Thanatos seriea ere agertzen da. Erakusketak gogoratzen digu justizia eta bakea konpondu gabeko arazoak direla oraindik ere Guatemalan; aldi berean, paralelismoak egiten ditu Guatemalako holokaustoaren eta munduko beste holokausto batzuen artean.

DANIEL HERNÁNDEZ-SALAZAR (Guatemala hiria, 1956)
Daniel Hernández-Salazar Guatemalako barnegerran hasi zuen argazki-kazetaritzako karrera, laurogeiko hamarkadan. Reuters, France-Press (AFP) eta Associated Press (AP) agentzien korrespontsala izan zen. Gaur egun, artista independente bezala aritzen da.
Berriki egin duen lanari buruzko bi antologia argitaratu dira: So that all shall know / Para que todos lo sepan (2007, Austin: University of Texas Press) eta Guatemala: Memoria de un ángel (2004, Tokio, Japonia: Kage Shobo Argitaletxea).
Bere herriko barne-gerran egindako basakeriak deskribatzen dituen Guatemala: Nunca más -“Guatemala, berriro inoiz ere ez”- txostenaren azalak ilustratzen dituzten aingeru ezagunen sortzailea da.

Kontaktua

zuzendaritza.museoa@gernika-lumo.net

Antolatzaileak

Daniel Hernández-Salazar eta Gernikako Bakearen Museoa



Gora

© 2017.GernikakoBakearenMuseoaFundazioa | COPYRIGHT | DATUEN BABESA | KONTRATAZIOAK | ERABILERRAZTASUNA